Respýblıkalyq ulan elordada «Ashyq esik kúnin» ótkizdi

Atalǵan shara Balalardy qorǵaý kúni men elimizdiń Memlekettik rámizderiniń 20 jyldyǵy aıasynda uıymdastyryldy. Aıta keterligi, dál osyndaı shara Almaty qalasynda da uıymdastyryldy.

Jınalǵan qala turǵyndary men qonaqtarynyń nazaryna zamanaýı áskerı tehnıka men qarý-jaraq kórmesi, qurmet qaraýyl  rotasynyń plats-kontserti, Respýblıkalyq ulannyń Prezıdenttik jáne úrmeli aspaptar orkestriniń kontserti usynyldy. Respýblıkalyq ulannyń Qurmet qaraýyl rotasy men Prezıdent orkestri qaraýyl aýysymy dástúrin pash etetin áskerı defıle kórsetildi. Eskererligi, dál osy baǵdarlamany ulandyqtar 2011 jyly Máskeý qalasynda ótken «Spassk munarasy» atty halyqaralyq áskerı-mýzykalyq festıvalde kórsetken bolatyn.

Mádenı is-sharany kolledjderdiń, ýnıversıtetterdiń stýdentteri, mektep oqýshylary men balalar úıleriniń tárbıelenýshileri tamashalady. Sonymen qatar olar soldat botqasy men  baýyrsaqtan dám tatty.