Respýblıkalyq telearnalar Qazaqstan Prezıdenti týraly jańa derekti fılmdi kórsetedi (VIDEO)
ASTANA. QazAqparat - 3 shilde kúni «KTK» jáne «Habar» telearnalary Qazaqstan Respýblıkasynyń Prezıdenti týraly - «Elbasy» atty jańa derekti fılm kórsetedi. Telejúrgizýshi ıAroslav Krasıenko Instagram-daǵy jeke paraqshasynda derekti fılmnen úzindiler jarııalady.
Suhbattyń bir epızodynda Prezıdent 1986 jyldyń jeltoqsanynda KSRO Kommýnıstik partııasynyń XXVI sezindegi sózine qatysty oqıǵany aıtyp bergen.
Suhbatynyń taǵy bir úzindisinen kórip otyrǵanymyzdaı, N.Nazarbaev qazaqtyń salt-dástúri men ıslamnyń bite-qaınasqanyn aıtqan. «Qazaqstannyń musylmandyq dinı-nanymy - sabyrly ári tolerantty. Súnnıt - baısaldy din, tipti, zaıyrly din deýge bolady. Bizdiń óz salt-dástúrimiz bar. Qazaqtar ata-baba arýaǵyna syıynyp jatady. Biraq, Quran Kárimde Allaǵa ǵana tabyný týraly aıtylǵan. Biraq, biz jeti atamyzdy tanyp, solardyń arýaǵyna quran baǵyshtap jatamyz. Bunyń eshqandaı ábestigi joq dep oılaımyn», - degen Memleket basshysy.
Jańa derekti fılmde Memleket basshysy sondaı-aq halyqtyń el basshylyǵyna degen kózqarasy jaıly, qazaq halqynyń basshy bolýdy «jaqsy kóretini» jaıly áńgime qozǵaǵan.
