Respýblıkalyq Sport medıtsınasy ortalyǵy Almatydan Astanaǵa kóshirilmek

ASTANA. QazAqparat - Almatydaǵy Sport medıtsınasy ortalyǵy Astanaǵa qonys aýdarady. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Mádenıet jáne sport mınıstri Arystanbek Muhamedıuly málim etti.

«Damyǵan sporttyq medıtsına úlken dodalarda sátti óner kórsetýdiń mańyzdy quramdasy bolyp tabylady. Shynyn aıtqanda, Qazaqstanda sporttyq medıtsına joǵary deńgeıde emes. Qazirgi kezde mınıstrlik bul úderistegi sharalardy qolǵa aldy»,-dedi mınıstr.

Onyń sózine qaraǵanda, osy jumystyń aıasynda Almatydaǵy medıtsınalyq daıarlyq ortalyǵyn Astanaǵa kóshirý qarastyrylyp jatyr.

«Sebebi, barlyq mańyzdy oqıǵalar elordada ótedi. Qazirgi kezde Bilim jáne ǵylym mınıstrligi jelisi boıynsha sporttyq medıtsına mamandaryn daıarlaýǵa qarjy bólinýde»,-dedi A. Muhamedıuly.