Respýblıkalyq SES derekterine sáıkes ótken jyly juqpaly aýrýlarmen syrqattanýshylar sanynyń óskeni baıqaldy - Statıstıka
ASTANA. 14 aqpan. QazAqparat - Respýblıkalyq sanıtarlyq epıdemıologııalyq stantsııanyń derekterine sáıkes ótken jyly juqpaly aýrýlarmen syrqattanýshylar sanynyń óskeni baıqaldy.
Bul aqparatty elimizdiń Statıstıka agenttigi taratyp otyr. «Respýblıkalyq SES-tiń derekteri boıynsha 2010 jyly 2009 jylmen salystyrǵanda túınememen (71,4 paıyzǵa), rıkketsıozben (46,5), birinshi ret anyqtalǵan sozylmaly vırýstyq gepatıtpen (23,7), salmonellezdi juqpasymen (16,1), bakterııalyq dezenterııa (8,5), ehınokokkoz (2,8), dıagnozy alǵashqy ret qoıylǵan brýtsellezben (2,0%) aýyrǵandar sanynyń óskeni anyqtalǵan. JQTB-men aýyrǵandar sany 165 oqıǵany qurady, 1969 AQTQ juqpasyn tasymaldaýshylar (2006 jyly - 2072) anyqtaldy», - delingen baspasóz habarlamasynda.
2010 jyly tirkelgen juqpaly aýrýlardyń arasynda asa keń taraǵany joǵary tynys joldarynyń ótkir juqpasy (100 myń adamǵa shaqqanda 6629,2 oqıǵa), ishektiń ótkir juqpasy (132,5), tynys alý organdarynyń týberkýlezi (82,8), tumaý (34,2), vırýstyq gepatıt (30,8), merez (34,2), bıtsheńdik (12,1) jáne qyshyma (12,1) boldy.
Vedomstvonyń aqparatyna sáıkes, 14 jasqa deıingi balalar arasynda rıkketsıozben (80,8 paıyz), birinshi ret anyqtalǵan sozylmaly vırýstyq gepatıtpen (96,3), ehınokokkozben (16,2), bakterııalyq dezenterııamen (13,9), salmonellezdi juqpasymen (6,9) aýyrǵandar sany kóbeıgen. JQTB-men aýyrǵandar sany 4 balany qurasa, 24 AQTQ juqpasyn tasymaldaýshy (2009 jyly - 28) anyqtalǵan.
