Respýblıkalyq sanıtarııalyq avıatsııa ortalyǵy basshysynyń orynbasary ustaldy
ASTANA. QazAqparat - Sybaılas jemqorlyqqa qarsy qyzmet «Respýblıkalyq sanıtarııalyq avıatsııa ortalyǵy» ShJQ RMK bas dırektorynyń orynbasaryn qamaýǵa aldy, dep habarlaıdy «QazAqparat» HAA tilshisi Sybaılas jemqorlyqqa qarsy is-qımyl ulttyq bıýrosynyń baspasóz qyzmetine silteme jasap.
«12 sáýir kúni 2 mıllıon teńge kólemindegi kezekti parany alý barysynda «Respýblıkalyq sanıtarııalyq avıatsııa ortalyǵy» ShJQ RMK bas dırektorynyń orynbasary Shalǵynbaev M. ustaldy», - delingen habarlamada.
Ol patsıentterdi tasymaldaýǵa arnalǵan arnaıy mamandandyrylǵan áýe kóligimen qamtamasyz etý boıynsha qyzmet kórsetý kelisimsharttaryn bekitkeni úshin jeke áýe kompanııalarynyń basshylarynan júıeli negizde para alyp otyratyn qylmystyq shema uıymdastyrǵan. Alynatyn para kólemi kelisimshart somasynyń 10% quraǵan.
Shalǵynbaev M. «Sky Service» JShS, «East Wing» AQ jáne ózge de áýe kompanııalarynyń basshylarynan birneshe ret 130 myń AQSh dollarynan astam para alǵan.
QR QK 128-baby boıynsha Shalǵynbaev ustaldy jáne Astana qalasy ІІD ýaqytsha ustaý oqshaýlaǵyshyna qamaldy.
Sotqa deıingi tergeý jumystary jalǵasýda.
