Respýblıkalyq olımpıadanyń qalalyq kezeńine 600 astam elordalyq oqýshy qatysty
ASTANA. 11 qańtar. QazAqparat - Astanada 15 jalpy bilim beretin pán boıynsha respýblıkalyq olımpıadanyń úshinshi (qalalyq) kezeńi aıaqtaldy, oǵan 610 elordalyq oqýshy qatysty. Bul týraly astana.kz saıtyna «Astana daryny» óńirlik ǵylymı-praktıkalyq ortalyǵynan habarlady.
Olımpıada №66 mektep lıtseıiniń bazasynda hımııa, bıologııa, fızıka, matematıka, geografııa, ınformatıka pánderi, №6 gımnazııada qazaq tili jáne ádebıeti, orys tilinde oqytatyn mektepterdegi qazaq tili, quqyq negizderi, tarıh, orys tili jáne ádebıeti, qazaq tilinde oqytatyn mektepterdegi orys tili, aǵylshyn, nemis, frantsýz tilderi boıynsha ótkizildi. Aıta keteıik, olımpıadaǵa jalpy bilim berý uıymdarynan respýblıkalyq olımpıadanyń ІІ kezeńinde І jáne ІІ oryn alǵan 610 oqýshy qatysty.
Qazylar alqasynyń quramyna elordalyq jetekshi JOO 62 ǵalymy endi. I jáne II týrlardyń qorytyndysy boıynsha 38 oqýshy birinshi, 81-i ekinshi jáne 128-i úshinshi oryn aldy. Olımpıadanyń maqsaty Astana qalasynyń bilim uıymdarynda oqıtyn daryndy balalardy anyqtaý, damytý jáne qoldaýdyń birtutas júıesin qalyptastyrý, jeke pánder boıynsha joǵary deńgeıli qabilettiligi bar balalardy oqytý jáne tárbıeleý bolyp tabylady.
