Respýblıkalyq neırohırýrgııa ǵylymı ortalyǵynda Medıtsına qyzmetkeri kúni atap ótildi
ASTANA. Maýsymnyń 17-si. QazAqparat - Búgin elordadaǵy Respýblıkalyq neırohırýrgııa ǵylymı ortalyǵynda «Ulttyq medıtsınalyq holdıngi» AQ basshylyǵy «Nur Otan» HDP Astana qalalyq fılıalymen birlesip, holdıng quramyna kiretin mekemelerdiń qyzmetkerlerin kele jatqan kásibı merekelerimen quttyqtady.
Shara barysynda sóz alǵan atalǵan holdıng basqarmasy tóraǵasynyń orynbasary Beksultan Tutqyshev «biz, mine birneshe jyldan beri ózimizdiń kásibı merekemizdi toılap kelemiz, alaıda árbir jyl bizder úshin erekshe, ári ony zor qýanyshpen atap ótemiz», dedi.
Іs-shara barysynda B.Tutqyshev holdıng quramyna kiretin mekemelerdiń birqatar qyzmetkerlerin alǵys hatpen marapattap, «Nur Otan» partııasyna múshelikke ótkenderge partııalyq bıletterin tabys etti. Sondaı-aq Respýblıkalyq neırohırýrgııa ǵylymı ortalyǵynda qazaqstandyq dárigerler úshin sheberlik sabaǵyn ótkizip júrgen germanııalyq professor, medıtsına ǵylymynyń doktory Mıhael Gaabqa da «Nur Otan» partııasynyń logotıpi bar baskıim men jeıde syılady.
Osydan keıin Astana qalalyq memlekettik fılarmonııasy men astanalyq tsırktiń ártisteri daıyndaǵan kontsert boldy.
