Respýblıkalyq neırohırýrgııa ǵylymı ortalyǵy «Eń úzdik bastaýysh kásipodaq uıymy» respýblıkalyq baıqaýynyń jeńimpazy
ASTANA. 14 jeltoqsan. QazAqparat - «Respýblıkalyq neırohırýrgııa ǵylymı ortalyǵy» AQ Bastaýysh kásipodaq uıymy (RNHǴO BKU)
Qazaqstan Respýblıkasy densaýlyq saqtaý qyzmetkerleriniń Eń úzdik bastaýysh kásipodaq uıymy (BKU 100 adamnan joǵary tobynda) Respýblıkalyq synaq-baıqaýynda Bas júldeni ıemdendi.
Baıqaý Astana qalasyndaǵy 46 densaýlyq saqtaý mekemesiniń bastaýysh kásipodaq uıymdarynyń arasynda «Kúshti bastaýysh - kúshti Kásipodaq» uranymen ótti.
RNHǴO BKU 200 myń teńge somasyna sertıfıkat aldy. Sondaı-aq mekemege QR Densaýlyq saqtaý mınıstrliginiń Jaýapty hatshysynyń jáne QR Kásipodaqtar federatsııasy tóraǵasynyń atynan alǵys jarııalandy.
«Respýblıkalyq neırohırýrgııa ǵylymı ortalyǵy»AQ (budan ári-«RNHǴO»AQ) QR Úkimetiniń 19.03.2008 jylǵy № 268 qaýlysyna sáıkes «Respýblıkalyq neırohırýrgııa ǵylymı ortalyǵy» sharýa júrgizý quqyǵyndaǵy respýblıkalyq memlekettik kásiporyny («RNHǴO» RMK) retinde quryldy.
«RNHǴO»AQ Bastaýysh kásipodaq uıymynyń quryltaı jınalysynda Bastaýysh kásipodaq uıymyn qurý týraly sheshim qabyldandy, Kásipodaq komıtetiniń jáne Revızııalyq komıssııanyń músheleri saılandy (06.05.2009 jylǵy № 1 hattama).
Qazirgi ýaqytta «RNHǴO» AQ 693 qyzmetker jumys isteıdi, onyń ishinde Kásipodaq uıymynyń músheleri - 668, bul barlyq qyzmetkerlerdiń 96,3% quraıdy.
