Respýblıkalyq memlekettik kásiporyndar shyǵyndary artty - Esep komıteti
ASTANA. QazAqparat - Respýblıkalyq memlekettik kásiporyndar shyǵynǵa tap bolýda. Bul týraly Májilistiń jalpy otyrysynda Esep komıtetiniń tóraıymy Natalıa Godýnova málim etti, dep habarlaıdy QazAqparat.
«Respýblıkalyq memlekettik kásiporyndarǵa toqtalsaq, 2017 jyly olar boıynsha taza kiris 6 mlrd teńgege qysqardy, al shyǵyndary birshama artty», - dep toqtaldy N. Godýnova.
Budan buryn habarlanǵandaı, Senattaǵy talqylaý kezinde Natalıa Godýnova kvazımemlekettik sektor sýbektileri aktıvterin basqarý tıimdiligin qadaǵalaý jetkiliksiz ekenin sóz etti. Bul turǵyda olarǵa bólingen qarjynyń ýaqtyly ıgerilmeýi baıqalýda.
«Bul rette senatorlar biz jyl saıyn kvazımemlekettik sektordy qoldaýdy jalǵastyryp kele jatqanymyzdy aıtqan bolatyn. Al memlekettiń ekonomıkalyq máselelerin sheshýde salynǵan resýrstarǵa qaıtarym qanshalyqty sáıkes keletindigi shynymen de suraq týdyrady», - dedi N. Godýnova.
Óz kezeginde Qarjy mınıstri Baqyt Sultanov jyl saıyn qozǵalatyn problemanyń biri - ol kvazımemlekettik sýbektilerdiń shottaryndaǵy qaldyqtarǵa qatysty ekenin rastady.
«Ótken jyly bıýdjettik zańnamaǵa tolyqtyrýlarǵa sáıkes, osy sýbektilerdiń shottarynda qalyptasqan qaldyqtar únemdeýge jatqan jaǵdaıda, ári qaraı paıdalanýǵa múmkindikteri bar. Biraq, bul norma máseleni túbirli sheshpeı otyr. Byltyrǵy Bıýdjet kodeksine engizilgen ózgertýlerge sáıkes, endi kvazımemlekettik sýbektilerge qarajatty bólý qarjy-ekonomıkalyq negizdemede anyqtalǵan bıýdjettik ınvestıtsııalardy júzege asyrý merzimderi boıynsha atqarylady. Qazirgi kezde bıýdjet rásimderin jetildirý tobynyń jumysynda kóp jyldar boıy paıdalanylmaı, kvazımemlekettik sýbektileri shottarynda jatqan qarajattardy bıýdjet kirisine qaıtarý normasy talqylanýda», - dep túıdi Baqyt Sultanov.
