Respýblıkalyq Máshhúr Júsip oqýlary baıqaýynyń jeńimpazdary anyqtaldy - Pavlodar
PAVLODAR. QazAqparat - Pavlodar qalasynda alǵash ret daryndy qyz balalarǵa arnalǵan «BІLІM-INNOVATsIıA» lıtseı-ınternatynda І respýblıkalyq Máshhúr Júsip oqýlary ótti, dep habarlaıdy pavlodarnews.kz.
«Ertis daryny» óńirlik qosymsha bilim berý oqý-ádistemelik ortalyǵynyń bólim meńgerýshisi Dámeli Salambekovanyń aıtýynsha, konkýrsqa 12 oblystan 56 oqýshy qatysqan. Jas órender «Aldyma óleń jaz dep qaǵaz kelgen, Sózimdi sóılep baqtym men de bilgen», «Bas bolyp óner bilseń, tipti jaqsy», «Bilimdi zerek adam bolam!» - deseń, Qara ózińdi basqanyń aınasymen» atty esse jazý, «Máshhúr-Júsip shyǵarmalary jáne «Uly dalanyń uly esimderi» baǵyttary boıynsha uly baba murasynan óz bilgenderin, oıǵa túıgenderin, bolashaq qoǵamǵa kerek degenderin ortaǵa saldy.
Qazylar alqasynyń sheshimimen 28 oqýshy jeńimpaz ben júldeger atandy. Onyń ishinde Pavlodar qalasy Y.Altynsarın atyndaǵy oblystyq qazaq gımnazııa-ınternatynyń 11 synyp oqýshysy Gúlnar Janbolat, Y.Altynsarın atyndaǵy gımnazııa ınternatynyń 11 synyp oqýshysy Raıymbek Tursynhan, Nazarbaev Zııatkerlik mektebiniń 11 synyp oqýshysy Aıdana Qaıyrbaeva bas júldegerler atandy. Sondaı-aq, tórt oqýshy І oryn, segizi ІІ oryn jáne 12-si ІІІ orynǵa laıyq dep tanyldy. Pavlodar oblysy bilim berý basqarmasy bas júlde ıegerlerine - uıaly telefon, І orynǵa - POWER BANK, ІІ orynǵa - «Sýretti óner tarıhy» entsıklopedııasyn, ІІІ orynǵa «Ǵylym jyl ótken saıyn» entsıklopedııasyn syılyqqa tartý etti. Erekshe kózge túsken oqýshy - Y.Altynsarın atyndaǵy gımnazııa ınternatynyń 11 synyp oqýshysy Raıymbek Tursynhanǵa S. Toraıǵyrov atyndaǵy Pavlodar memlekettik ýnıversıtetiniń oqý grantyn tabys etti. Respýblıkalyq konkýrsty uıymdastyrý komıteti barlyq qatysýshylarǵa sertıfıkat, Máshhúr Júsip Kópeıulynyń ómirbaıany týraly jınaq-kitapsha syıǵa tartyp, Pavlodar oblysynyń kórikti jerine saıahat júrgizildi. 
Bas júldegerlerdi daıyndaǵan muǵalimder Y.Altynsarın atyndaǵy oblystyq qazaq gımnazııa-ınternatynyń muǵalimderi Ashat Turǵanbek, Raıgúl Muhametjanova, Qyzylorda oblysy Qyzylorda qalasynyń № 274 orta mektebiniń muǵalimi Marıhan Demeýova jáne Nazarbaev Zııatkerlik mektebiniń muǵalimi Nazargúl Ahmetjanovany Pavlodar oblysy tilderdi damytý basqarmasynyń basshysy Sáýle Osmanova alǵys hatpen jáne «Álıhan Bókeıhan» entsıklopedııasymen marapattady.
