Respýblıkalyq mańyzy bar joldyń boıynda júk avtokóligi órtendi - «Qazaqavtojol» RMK
ANA. 21 qańtar. QazAqparat - Respýblıkalyq mańyzy bar joldyń boıynda júk avtokóligi órtendi. Bul týraly búgin «Qazaqavtojol RMK-nyń baspasóz qyzmeti habarlady.
20 qańtarda saǵat 15:00 kezinde «Qaraǵandy-Aıagóz-Buǵaz» respýblıkalyq mańyzy bar avtokólik jolynyń «Almaty-Pavlodar» baǵytyndaǵy 17-18 shaqyrymynda júrip bara jatqan «MAN» aýyr júk avtokóliginde órt shyqty. Kóliktiń tutanýy sebebi elektr symdarynyń qysqasha tuıyqtanýyna baılanysty bolyp otyr.
Atap aıtqanda «Qaraǵandy-Aıagóz-Buǵaz» avtojolynyń 17-45 shaqyrymyndaǵy ýchaskesinde № 46 Jol paıdalaný bóliminiń jumyskerleri qyzmet kórsetedi. Janyp jatqan «MAN» aýyr júk avtokóligin baıqap qalǵan qyzmetkerler dereý Órt sóndirý qyzmetine habarlasyp, kóliktegi alaýlaǵan órtti sóndirýge kiristi. Jol jumysshylary órttiń kóliktiń basqa tirkemelerine taralmaýy úshin tıisti áreketter jasady. 10 mınýttan keıin kelgen Órt sóndirý qyzmetiniń sarbazdary órtti tolyǵymen aýyzdyqtady.
Baspasóz qyzmetiniń málimetine qaraǵanda, der kezinde kómek kórsetilgeni úshin «Qazaqavtojol» RMK-nyń Qaraǵandy oblystyq fılıaly tarapynan jol mamandaryna alǵys aıtyldy.
