Respýblıkalyq mańyzy bar joldarǵa vıdeokameralar ornatylady
«Aqyly joldarda tólem alý júıesin ornatý jáne qyzmet kórsetýge qatysty ınvestıtsııalyq joba aıasynda bıyl elimizdiń tasjoldarynda beınebaqylaý kameralary ornatyla bastaıdy. Jalpy alǵanda, elimizde respýblıkalyq mańyzy bar avtomobıl joldarynyń 11 myń shaqyrymynda 600 beınebaqylaý kamerasy ornatylady dep josparlanýda», - delingen QR Indýstrııa jáne ınfraqurylymdyq damý mınıstrliginiń aqparatynda.
Kameralar el joldaryndaǵy qozǵalysty táýlik boıy baqylaıtyn bolady. Tutastaı alǵanda, mundaı qondyrǵylar 2024 jylǵa deıin elimizdegi respýblıkalyq mańyzy bar joldardyń 32 ýchaskesinde paıda bolmaq.
«Ázirleýshilerdiń aıtýyna qaraǵanda, esepteý qýattylyǵy men arnaıy baǵdarlamalyq qamtamasyz etý aqparattyń keń kólemin naqty ýaqyt rejıminde óńdeýge múmkindik beredi. Osylaısha, kólik qozǵalysynyń jyldamdyǵy men baǵyty, jeke derekterdi paıdalanýsyz kólik quralynyń tıpi sondaı-aq, jol jıegimen qozǵalyp kele jatqan jáne memlekettik tirkeý nómirinsiz júrgen avtokólikter anyqtalatyn bolady», - dedi vedomstvodan.
