Respýblıkalyq mańyzy bar joldardyń 6 ýchaskesinde kólik qozǵalysy shekteldi
ASTANA. QazAqparat - Joldyń kórinýi nasharlaýyna baılanysty respýblıkalyq trassalardyń 6 ýchaskesinde kólik qozǵalysyna shekteý engizildi, dep habarlaıdy QazAvtoJol Respýblıkalyq mańyzy bar avtomobıl joldarynyń ulttyq operatory.
«QazAvtoJol» UK» AQ-nyń Abaı, Shyǵys Qazaqstan jáne Jetisý oblystaryndaǵy óńirlik fılıaldary kúsheıtilgen jumys rejımge aýystyryldy.
Joǵaryda atalǵan óńir turǵyndaryn alys saparǵa shyqpaýǵa shaqyramyz. Aýa raıy boljamy men tasjoldardaǵy ahýal týraly habarlamalardy eskerý qajet.
Shtattan tys jaǵdaı týyndasa 1403 qysqa nómirine qońyraý shalýǵa bolady.
Abaı oblysynda tirkemeli men jartylaı tirkemesi bar júk kólikteri úshin «Omby-Maıqapshaǵaı» (Qalbataý aýylynan Kókpekti aýylyna deıin) jáne «Almaty-Óskemen» avtojoldarynda (Aıagóz qalasynan Qalbataý aýylyna deıin) qozǵalys shekteldi.
Avtokóliktiń barlyq túri úshin qozǵalys tómendegi jol ýchaskelerinde shekteldi:
1. «Óskemen-Semeı» tasjolynyń Gerasımovka aýylynan Semeı qalasyna deıingi aralyǵy;
2. «Omby-Maıqapshaǵaı«tasjolynyń Semeı qalasynan Qalbataý aýylyna deıingi aralyǵy;
ShQO-da tirkemeli jáne jartylaı tirkemesi bar júk kólikteri úshin respýblıkalyq mańyzy bar»Almaty-Óskemen«avtojolynyń Qalbataý aýylynan Qasym-Qaısenov aýylyna deıingi aralyǵynda qozǵalysqa shekteý engizildi.
Jetisý oblysynda «Úsharal-Dostyq» kúre jolynyń Kóktuma beketinen Dostyq beketine deıingi aralyǵynda avtokóliktiń barlyq túri úshin qozǵalysqa shekteý engizildi.
