Respýblıkalyq mańyzy bar joldardyń 464 shaqyrymyn rekonstrýktsııalaıtyn merdigerler belgili boldy
"Olardyń ishinde Ortalyq-Ońtústik dáliziniń 3 ýchaskesi, Ortalyq-Shyǵys dáliziniń 10 ýchaskesi, Astana-Petropavl avtojolynyń 2 ýchaskesi, sonymen qosa Jezqazǵan-Esil-Petropavl (Sátpaev qalasynyń aınalmasy) avtojolynyń 1 ýchaskesi bar. Qazirgi kezde merdigerler ázirlik jumystaryn júrgizýde: topyraq óndirý úshin jer qoınaýyn paıdalaný quqyǵyna ıe bolý, ýaqytsha jer bólý jáne ornalasý orynyn daıarlaýdyń resmı qujattaryn daıyndaýda", - delingen QR Investıtsııalar jáne damý mınıstrliginiń málimetinde.
Belgili bolǵandaı, taıaý arada Ortalyq-Shyǵys baǵytyndaǵy respýblıkalyq mańyzy bar araqashyqtyǵy 132 shaqyrym avtojoldyń 4 ýchaskesinde merdigerler aıqyndalmaqshy.
Jalpy, Memleket Basshysy Nursultan Nazarbaevtyń Qazaqstan avtojoldarynyń ınfraqurylymyn damytý jónindegi tapsyrmasyn iske asyrý maqsatynda búkil el boıynsha respýblıkalyq mańyzy bar avtomobıl joldaryn salý jáne rekonstrýktsııalaý jumystary keńinen jalǵastyrylýda.
Sonymen, qazirgi sátte jol-qurylys jumystarymen respýblıkanyń barlyq oblystary qamtylǵan. Bundaı jumystar jalpy uzaqtyǵy 2717 shaqyrymdaǵy 76 ýchaskede júrgizilýde. Olar І jáne ІІ tehnıkalyq sanaty boıynsha jumys júrgizilip, sáıkesinshe 2, 4, jáne 6 jolaqqa deıin keńeıtiletindigin atap ótken jón.
Aǵymdaǵy jyly araqashyqtyǵy 637 shaqyrymdy quraıtyn respýblıkalyq mańyzy bar avtomobıl joldarynyń jańadan rekonstrýktsııalanǵan ýchaskeleri boıymen qozǵalys ashý josparlanýda.
