Respýblıkalyq mańyzy bar joldardyń 18 bóliginde qozǵalys shekteldi

ASTANA. QazAqparat - 3 naýryz saǵat 19:00 aqparatqa sáıkes elimizdiń 9 óńirinde aýa-raıynyń qolaısyzdyǵyna oraı respýblıkalyq mańyzy bar avtojoldardyń 18 ýchaskesinde jol qozǵalysyna ýaqytsha shekteý engizildi.

Bul týraly QazAqparat Respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.

Abaı, Aqmola, Aqtóbe, Shyǵys Qazaqstan, Qaraǵandy, Qostanaı, Soltústik Qazaqstan, Ulytaý jáne Pavlodar óńirlerinde respýblıkalyq tasjoldar jabyldy. Qysqy kútip-ustaý jumystaryna 400 arnaıy tehnıka men 500 adam jumyldyryldy.

Jabyq ýchaskelerdiń jalpy uzyndyǵy 1236 shaqyrymdy quraıdy. Bul respýblıkalyq joldar jelisiniń shamamen 5%-y.

«Kún raıy jaqsarǵansha alys saparǵa, jabyq tasjol ýchaskelerine shyqpańyzdar. Aýa-raıy boljamyn muqııat qadaǵalaýlaryńyzdy suraımyz! Shtattan tys jaǵdaı týyndasa 1403 qysqa nómirine qońyraý shalý kerek. Bizdiń baılanys ortalyǵymyz táýlik boıy jumys isteıdi»,-delingen habarlamada.