Respýblıkalyq mańyzy bar joldarda kólik qozǵalysyna shekteý qoıylmaǵan - «QazAvtoJol»
ASTANA. QazAqparat - Respýblıkalyq mańyzdaǵy avtomobıl joldarynda qaýipsiz ári úzdiksiz jol qozǵalysyn qamtamasyz etý úshin 200 jol-paıdalaný tehnıkasy tartyldy, dep habarlaıdy «QazAvtoJol» UK» AQ baspasóz qyzmetinen.
Búgingi tańda Aqmola, Qostanaı jáne Qaraǵandy oblystarynda qar jaýyp, aýa temperatýrasy kúrt tómendep, kóktaıǵaqtyń paıda bolýyna oraı qolaısyz aýa raıy jaǵdaıy saqtalyp tur.
Respýblıkalyq avtomobıl joldaryna kóktaıǵaqqa qarsy materıaldardy ýaqtyly sebý jáne avtokólikterdiń qaýipsiz ári úzdiksiz qozǵalysyn qamtamasyz etý sharalary qarastyrylǵan. Qys merziminde respýblıkalyq mańyzy bar avtomobıl joldaryn kútip ustaý maqsatynda óndiristk bazalar, jylytý pýnktteri, kómir, qum, tuz, jáne taǵy basqa janar-jaǵarmaı materıaldary qory daıyndalǵan. Barlyq qar tazartqysh tehnıkalar jumys júrgizýge daıyn. «Atalǵan oblystarda jol qyzmet kúshterimen respýblıkalyq avtomobıl joldaryndaǵy qar kóp túsetin ýchaskelerde patrýldeý, ótpe joldardy qardan tazalaý jumystary júrgizilip, qarǵa qarsy yqtyrma jáne «Taıǵaq jol» jol belgileri qoıyldy. Asýlarǵa, tik órlerge, qııalarǵa, qıylystarǵa jáne qaýip-qaterli joldarda kóktaıǵaqqa qarsy materıaldar sebilgen», delingen habarlamada. Qazirgi kezde respýblıkalyq mańyzy bar avtomobıl joldarynda kólik qozǵalysyna shekteý qoıylmaǵan.
