Respýblıkalyq mańyzy bar jol boıyna 35 jańa keshen salynady
NUR-SULTAN. QazAqparat – Qazaqstanda 2021 jyldan bastap respýblıkalyq mańyzy bar jol boıynda ájethanasy bar jańa keshender óz jumysyn bastaıdy. Bul týraly QazAvtoJol ulttyq kompanııasynyń basqarma tóraǵasy Ulan Álipov aıtty, dep habarlaıdy QazAqparat tilshisi.
«Jol boıyndaǵy qajetti ınfraqurylymmen qamtamasyz etý qashanda bizdiń basty nazarda. Sonyń ishindegi eń ózektisi ol ájethana. Osy oraıda 2021 jyldan bastap elimizdegi iri joldar boıynda arnaıy keshender paıda bolady. Onyń ishinde ájethanadan bólek, janar-jaǵar maı stansasy, dúken, dámhana jáne taǵy basqa jolaýshy tutynatyn qajettilik bolady. Búginde alǵashqy keshenniń qurylysy bastalyp ketti, ol aldaǵy jyly Qapshaǵaı tasjolynda ashylady. Al jalpy Qazaqstan boıynsha 35 keshen salý jospary bar, ol úshin ınvestıtsııa esebinen 30 mlrd teńge jumsalady», - dedi U. Álipov.
Sondaı-aq, kompanııa basshysy jol boıynda ájethana ornatýdyń ózindik problemalaryn da aıtyp ótti.
«Jol boıynda arnaıy keshen nemese jaı ǵana ájethana ornatýdyń túıtkildi jaǵy, bizde dalalyq jerler kóp, ıaǵnı eldimekenderdiń araqashyqtyǵy alshaq. ıAǵnı el joq, jurt joq jerge zamanaýı ájethana ornatý tıimsiz. Sondaı-aq, aıdaladaǵy ájethanaǵa jaryq pen sýdy jetkizý qıyndyǵy da bar. Ózderińiz biletindeı, biz joldar boıynda (KazWay) vakýýmdy ájethana ortanýdy qolǵa aldyq. Búginde elimiz boıynsha 10 shaqty KazWay ájethanasy jumys istep tur. Degenmen ol óziniń qymbattyǵymen halyq arasynda synǵa ushyrady. Qymbat bolý sebebi vakýým bizde shyǵarylmaıdy ol Eýropadan ákelinedi jáne onyń bireýiniń quny 14 mln teńgeni quraıdy. Osy máseleni ońtaıly sheshý úshin biz keıbir aımaqtarda ájethanamen qamtýdy bıznes ókilderine berdik, al ol óz kezeginde aqyly bolady», - dedi ol.
