Respýblıkalyq mańyzy bar kúre joldarda qysqy kútip-ustaý jumystary bastaldy - QazAvtoJol
ASTANA. QazAqparat - Respýblıkalyq mańyzy bar kúre joldarda qysqy kútip-ustaý jumystary bastaldy, dep habarlaıdy QazAqparat «QazAvtoJol» UQ» aktsıonerlik qoǵamynyń baspasóz qyzmetine silteme jasap.
Jol qyzmetteri táýlik boıy jumys istep jatyr. Respýblıkalyq mańyzy bar avtojoldardyń ulttyq operatory qys mezgilinde kúre joldardy qardan tazalap, kútip-ustaý jumystary úshin qajet arnaıy tehnıkany, 400 óndiristik baza men qoımany, 125 jylytý pýnktin daıyndady.
Kóktaıǵaqqa qarsy materıaldardy daıyndaý jumystary jalǵasýda, atap aıtqanda —120 myń m3 qum, 23 myń tonna tuz, 1200 tonna hımreagent qospalary daıyndalýda. Sonymen qatar qalyń qar basý qaýpi joǵary ýchaskeler anyqtaldy. Olardyń jalpy uzyndyǵy 3 myń shaqyrymdy qurap otyr. Qysqy kútip-ustaý jumystary aıasynda bul ýchaskeler erekshe baqylaýda.
Respýblıkalyq mańyzy bar joldardy qoldanýshylar qys mezgilinde alys saparǵa attanarda kólikti ábden daıyndaýy qajet.
Kúnniń buzylýy men aýa temperatýrasynyń tómendeýine baılanysty jazǵy avtomobıl shınalaryn qysqy shınalarǵa aýystyrý mańyzdy.
Alys saparǵa attanar aldynda kóliktiń tehnıkalyq jaı-kúıin jáne janarmaı mólsherin tekserý kerek.
Aýa-raıy kúrt nasharlaǵanda jol qozǵalysy erejelerin qatań túrde saqtaǵan abzal.
Kólikte qalyń kıim men medıtsınalyq alǵashqy kómek qorapshasy bolýy kerek.
Aýa-raıy boljamyn jiti qadaǵalap, aýa raıyna baılanysty eskertý týraly habarlamalardy tyńdaý qajet.
«Shtattan tys jaǵdaı týyndasa respýblıkalyq avtojoldardy paıdalanýshylar «QazAvtoJol» ulttyq kompanııasynyń biryńǵaı táýlik boıy jumys isteıtin 1403 koll-ortalyǵyna júgine alady»,-delingen habarlamada.
