Respýblıkalyq mańyzy bar birqatar joldar jabyldy - «Qazaqavtojol»
ASTANA. 23 jeltoqsan. QazAqparat - Aýa raıy jaǵdaıynyń nasharlaýyna baılanysty 23 jeltoqsan kúni respýblıkalyq mańyzy bar birqatar joldarǵa shekteýler engizildi.
Bul týraly «Qazaqavtojol» RMQK-dan habarlady.
Máselen, Aqmola oblysynda saǵat 10 jarymnan bastap (qar, burqasyn, kórý múmkindiginiń shekteýligi) «Astana-Petropavl» avtojolynyń 17-109 shaqyrymy aralyǵyndaǵy, «Astana qalasy-Aqkól» ýchaskesinde kóliktiń barlyq túrleri úshin qozǵalys jabyldy.
Saǵat 10.30-dan bastap (qar, burqasyn, kórý múmkindiginiń shekteýligi) «Ekaterınbor-Almaty» kúre jolynyń 1247-995 shaqyrymy aralyǵyndaǵy, «Astana qalasy-Atbasar» ýchaskesinde kóliktiń barlyq túrleri úshin jol jabyq.
Saǵat 11.00-den bastap aýa raıynyń buzylýyna baılanysty qoǵamdyq kólikterdiń oblystan shyǵatyn barlyq joldarmen qozǵalysyna shekteý qoıyldy.
Almaty oblysynda 21 jeltoqsan kúni kóliktiń barlyq túrleri úshin jabylǵan «Usharal-Dostyq» tas jolynyń 93-184 shaqyrymy aralyǵyndaǵy ýchaskesi áli de ashylmady.
Al búgin, saǵat 11.00-den bastap jańbyr, men kóktaıǵaqtyń bolýy sebepti «Almaty-Óskemen» avtojolynyń 78-319 shaqyrymy aralyǵyndaǵy, «Qapshaǵaı beketi-Taldyqorǵan beketi» ýchaskesi barlyq avtokólikter úshin jabyldy.
Sondaı-aq saǵat 12.00-den bastap jańbyr men kóktaıǵaqqa baılanysty «Almaty-Óskemen» avtojolynyń 78-558 shaqyrymy aralyǵyndaǵy, «Qapshaǵaı beketi-Úsharal beketi» ýchaskesimen qozǵalys barlyq kólikter úshin shekteldi.
Saǵat 12.00-den bastap jańbyr men kóktaıǵaqtyń bolýy sebepti «Almaty-Tashkent-Termez» kúre jolynyń 59-143 shaqyrymy aralyǵymen kóliktiń barlyq túrleri úshin qozǵalysqa tyıym salyndy.
Aýa raıynyń osyndaı jaǵdaıyna baılanysty sonymen qatar, saǵat 12.00-den bastap «Ekaterınbor-Almaty» tas jolynyń 2436-2214 shaqyrym aralyǵy barlyq avtomashınalar úshin jabyldy.
Jambyl oblysynda kúndizgi saǵat 12.00-den bastap aýa raıynyń buzylýynan (Almaty oblysynda jańbyr men kóktaıǵaqtyń bolýynan) «Almaty-Tashkent-Termez» kúre jolynyń 160-143 shaqyrymy, «Otar-Almaty oblysynyń shekarasy» ýchaskesimen qoǵamdyq jáne júk kólikteri úshin qozǵalysqa shekteý engizildi.
