Respýblıkalyq mańyzy bar avtojoldarda kóliktiń barlyq túrine qozǵalys shekteldi
ASTANA. QazAqparat - Qazaqstannyń eki oblysynda respýblıkalyq mańyzy bar joldarda kólik qozǵalysyna shekteý engizildi, dep habarlady «Qazavtojol» RMK baspasóz qyzmetinen.
Búgin Aqmola oblysynda aýa raıynyń nasharlaýyna (qar, boran, joldyń kórinbeýi) baılanysty Qostanaı-Áýlıekól-Suraǵan (232-260 shaqyrym), Qostanaı oblysy shekarasynan Suraǵan selosyna deıin; Jaqsy-Esil-Buluzaq (0-82 shaqyrym); Ekaterınbýrg-Almaty (856-1000 shaqyrym), SQO shekarasynan Atbasar qalasyna deıin joldarda kóliktiń barlyq túrleri úshin buryn engizilgen shekteý óz kúshinde qaldy.
Qazirgi ýaqytta atalǵan jol ýchaskelerinde qar tazalaý jumystary júrgizilýde. Oǵan «Qazavtojol» RMK Aqmola oblystyq fılıaly qyzmetkerleriniń jeke quramy men kásiporyn tehnıkalary jumyldyryldy. ShQO-da aýa raıynyń nasharlaýyna baılanysty Óskemen-Shemonaıha-RF shekarasy (108-123 shaqyrym), Shemonaıhadan RF shekarasyna deıin avtojoldarda kóliktiń barlyq túrleri úshin qozǵalys shekteldi.
