Respýblıkalyq mańyzy bar avtojoldarda 58 qaýipti avarııalyq ýchaskeler anyqtaldy
ASTANA. 26 shilde. QazAqparat - 2013 jyldyń 6 aı ýaqyt aralyǵynda respýblıkalyq avtojoldarda 1151 jol-kólik oqıǵasy boldy, onyń ishinde 463 adam qaıtys bolǵan jáne 1843 adam jaraqat aldy. Bul týraly «Qazaqavtojol» RMK baspasóz qyzmeti habarlaıdy.
Aldyńǵy jyldyń osy ýaqyt aralyǵyndaǵy kórsetkishimen salystyrǵanda jol-kólik oqıǵasy 184-ke nemese 19 %-ǵa artty. Sonyń ishinde 58 qaýipti-avarııalyq ýchaskiler anyqtaldy. Qaýipti-avarııalyq ýchaskelerge aǵymdaǵy jyl aralyǵynda bir shaqyrymda eki jol-kólik oqıǵasynan asqan jerler jatady. JKO kóp mólsherde Ońtústik Qazaqstan oblysynda 58 ret (11 qaıtys bolǵan jáne 114 jaraqat alǵan adam sany), Almaty oblysynda 44 ret (14 qaıtys bolǵan jáne 51 jaraqat alǵan adam sany) kezdesti. Aqmola, Atyraý, Batys Qazaqstan, Mańǵystaý jáne Soltústik Qazaqstan oblystarynda qaýipti avarııalyq ýchaskeler tirkelmegen.
2012 jyldyń birinshi jartyjyldyǵymen salystyrǵanda qaýipti-avarııalyq ýchaskeler 38 birlikke kóbeıgen.
Negizgi jol-kólik oqıǵasynyń sebepterine qarama-qarsy jol qozǵalysyna shyǵý, jyldamdyqty údetý, rýlge ıe bola almaı qalý jatady.
