Respýblıkalyq mańyzy bar avtojoldar kútip-ustaýdyń qysqy rejımine kóshirildi
ASTANA. QazAqparat - Respýblıkalyq mańyzy bar avtojoldar kútip-ustaýdyń qysqy rejımine kóshirildi. Bul týraly «QazAvtoJol» UK» AQ-dan málim etti, dep habarlaıdy QazAqparat.
Jol qyzmetteri táýlik boıy jumys istep jatyr. Respýblıkalyq mańyzy bar avtojoldardyń ulttyq operatory qys mezgilinde kúre joldardy qardan tazalap, kútip-ustaýǵa qajetti arnaıy tehnıkany, 400 óndiristik baza men qoımany, 125 jylytý pýnktin daıyndady.
Kóktaıǵaqqa qarsy materıaldardy ázirleý áli de jalǵasýda, atap aıtqanda —120 myń tekshe metr qum, 23 myń tonna tuz, 1200 tonna hımreagent qospalary daıyndalýda.
«Sonymen qatar qalyń qar basý qaýpi joǵary ýchaskeler anyqtaldy. Olardyń jalpy uzyndyǵy 3 myń shaqyrymdy quraıdy. Qysqy kútip-ustaý jumystary aıasynda bul ýchaskeler erekshe baqylaýda», - dedi kompanııadan.
Bul rette, respýblıkalyq trassalarmen alys saparǵa attanarda kólikti ábden daıyndaý qajet.
Budan bólek:
- kún raıynyń buzylýy men aýa temperatýrasynyń tómendeýine baılanysty jazǵy avtomobıl shınalaryn qysqy shınalarǵa aýystyrý;
- alys saparǵa attanar aldynda kóliktiń tehnıkalyq jaı-kúıin jáne janarmaı mólsherin tekserý;
- aýa raıy kúrt nasharlaǵanda jol qozǵalysy erejelerin qatań túrde saqtaý;
- kólikte qalyń kıim men medıtsınalyq alǵashqy kómek qorapshasy bolýy;
- aýa raıy boljamyn jiti qadaǵalap, daýyldy eskertý týraly habarlamalardy tyńdaý qajet.
Shtattan tys jaǵdaı týyndaǵan jaǵdaıda «QazAvtoJol» ulttyq kompanııasynyń táýlik boıy jumys isteıtin biryńǵaı 1403 telefon nomerine júginýge bolady.
