Respýblıkalyq mańyzy bar 100 avtojol ýchaskesi jóndelip jatyr
NUR-SULTAN. QazAqparat – Qazirgi ýaqytta elimizde 7 myń shaqyrymnan astam respýblıkalyq mańyzy bar jol jóndeýden ótip, jańartylyp jatyr. Bul týraly «QazAvtoJol» kompanııasynyń bas ınjeneri Talǵat Smaǵulov aıtty, dep habarlaıdy QazAqparat tilshisi.
«Búginde elimiz boıynsha 7 myń shaqyrymnan astam joldy jańartý jáne jóndeý jumystary qarqyndy júrgizilip jatyr. Onyń ishinde 4 myń shaqyrym jol jańǵyrtý jáne shamamen 4 myń shaqyrym jóndeý jumysymen qamtylǵan», - dep atap ótti Talǵat Smaǵulov elordada ótken brıfıng barysynda.
Onyń dereginshe, elimizdiń respýblıkalyq mańyzy bar joldarynyń jalpy uzyndyǵy 25 myń shaqyrymdy quraıdy.
«Jalpy, elimizde respýblıkalyq mańyzy bar shamamen 100 avtojol ýchaskesinde jóndeý jumysy kózdelgen», - dedi Talǵat Smaǵulov.
