Respýblıkalyq mańyzdaǵy joldardyń 21 paıyzy qanaǵattanarlyqsyz kúıde - Úkimet otyrysy
ASTANA. 21 mamyr. QazAqparat - Respýblıkalyq mańyzdaǵy joldardyń 21 paıyzy qanaǵattanarlyqsyz jaǵdaıda.
Bul týraly búgin Úkimet otyrysynda QR Kólik jáne kommýnıkatsııa mınıstri Asqar Jumaǵalıev málim etti.
«23,5 myń shaqyrymǵa sozylǵan respýblıkalyq júıedegi joldardyń 79 paıyzy qanaǵattanarlyq jaǵdaıda. Jáne 21 paıyzy qanaǵattanarlyqsyz deńgeıde»,-dedi mınıstr.
Sonymen qatar vedomstvo basshysy jergilikti mańyzdaǵy joldardyń jaǵdaıy birshama nashar ekendigin atap ótti. Máselen, bul joldardyń 37 paıyzy qanaǵattanarlyqsyz kúıde ekendigin, sondaı-aq 63 paıyzy qanaǵattanarlyq deńgeıde baǵalanyp otyrǵandyǵyn jetkizdi.
