Respýblıkalyq mańyzdaǵy joldardyń 2 ýchaskesinde qozǵalysqa ýaqytsha shekteý engizildi
ASTANA. QazAqparat - 6 naýryz saǵat 07:10 aqparatqa sáıkes 2 oblysta aýa-raıynyń qolaısyzdyǵyna baılanysty respýblıkalyq mańyzy bar avtojoldardyń 2 ýchaskesinde qozǵalysqa ýaqytsha shekteý engizildi.
Bul týraly QazAqparat Respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.
Ulttyq operatordyń málimetterine qaraǵanda, Aqtóbe oblysynda «Samara-Shymkent» tasjolynyń Aqtóbe qalasynan Qarabutaq aýylyna deıingi aralyǵynda kóliktiń barlyq túri úshin jol qozǵalysyna shekteý engizildi.
Qaraǵandy oblysynda «Almaty-Ekaterınbýrg» tasjolynyń Jumabek aýylynan Balqash qalasyna deıingi aralyǵynda kóliktiń barlyq túri úshin qozǵalys shekteldi.
