Respýblıkalyq mańyzdaǵy joldardyń 11 myń shaqyrymy aqyly bolady
NUR-SULTAN. QazAqparat - Respýblıkalyq mańyzy bar 11 myń shaqyrym avtomobıl joldarynda aqyly jol júıesi engiziledi. Bul týraly memlekettik-jekeshelik áriptestik jobalaryna arnalǵan Úkimet otyrysynda QR Indýstrııa jáne ınfraqurylymdyq damý mınıstri Roman Sklıar málim etti, dep habarlaıdy QazAqparat tilshisi.
«Aqyly jol júıesin engizý jáne qyzmet kórsetý» jobasy boıynsha toqtalsaq, joba aıasynda respýblıkalyq mańyzy bar 11 myń shaqyrym avtomobıl joldarynda aqyly jol júıesin engizý kózdelgen. Qazirgi ýaqytta 2 satyly konkýrs jarııalaý úshin tehnıkalyq tapsyrma ázirleýdemiz. Mamyr-qarasha aılary aralyǵynda konkýrstyq rásimder ótkiziletin bolady, shart jasasý jeltoqsan aıyna josparlanǵan», - dedi mınıstr.
Budan bólek R. Sklıar «Almaty stansasyn aınalyp ótetin 73,2 shaqyrymdyq temirjol jelisiniń qurylysy» jobasyna toqtaldy. Búgingi tańda baıqaýdyń birinshi kezeńiniń qorytyndysy shyǵaryldy. Biliktilik irikteýinen 2 Qazaqstan-Qytaı birlesken konsortsıýmy ótti. Qazirgi ýaqytta jeke seriktesti anyqtaý úshin baıqaýdyń ekinshi kezeńin ótkizýge konkýrstyq qujattamalardy ázirleý jumystary júrgizilýde. Kelisimshartqa qol qoıý bıyl qarasha aıyna josparlanǵan. Qurylys jumystary 2020-2022 jyldar aralyǵynda júrgiziletin bolady.
