Respýblıkalyq mańyzdaǵy avtojoldardyń 5 ýchaskesinde kólik qozǵalysyna shekteý qoıyldy
ASTANA. QazAqparat - Saǵat 19:05 aqparatqa sáıkes elimizdiń 4 óńirinde aýa-raıynyń qolaısyzdyǵyna baılanysty respýblıkalyq mańyzy bar avtojoldardyń 5 ýchaskesinde qozǵalys ýaqytsha shekteldi.
Bul týraly QazAqparat Respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.
1. Abaı óńirinde «Almaty-Óskemen» tasjolynyń Qalbataý aýylynan ShQO shekarasyna deıingi aralyǵynda kóliktiń barlyq túri úshin qozǵalysqa shekteý engizildi;
2. Aqmola oblysynda Şýche-Zerendi tasjoly jáne Atbasar qalasy men Qajymuqan kentiniń arasy jabyq.
3. Shyǵys Qazaqstan oblysynda «Almaty-Óskemen» tasjolynyń Abaı oblysynyń shekarasynan Qasym Qaısenov kentine deıingi aralyǵynda jol qozǵalysyna shekteý engizildi.
4. Qaraǵandy oblysynda «Ekaterınbýrg-Almaty» tasjolynyń Jumabek aýylynan Balqash qalasyna deıingi aralyǵynda júk jáne qoǵamdyq kólikterdiń qozǵalysy shekteldi.
Osyǵan deıin Astana men elimizdiń 16 óńirinde aýa raıyna balanysty eskertý jarııalanǵanyn jazdyq.
