Respýblıkalyq mańyzdaǵy avtojoldarda kólik qozǵalysy jandandy
ASTANA. QazAqparat - Budan buryn aıazǵa baılanysty jabylǵan respýblıkalyq mańyzdaǵy avtojoldarda kólik qozǵalysy qalpyna keltirildi, dep habarlaıdy QazAqparat.
Aıta keteıik, ótken kúnderi qatty aıazǵa baılanysty birqatar oblystardyń aýmaǵynda dızelmen júretin jáne qoǵamdyq kólikterdiń jolǵa shyǵýyna shekteý engizilgen bolatyn. Qazirgi ýaqytta bul joldar ashyq.
«Qazaqavtojol» RMK-niń habarlaýynsha, búgin túsken keıingi málimet boıynsha boranǵa baılanysty Aqtóbe oblysy aýmaǵyndaǵy jol ýchaskesinde ǵana kóliktiń barlyq túrine shekteý engizilgen.
Atap aıtqanda, «Qandyaǵash-Embi-Shalqar-Yrǵyz» jolynyń 92-257 shaqyrymyndaǵy Embi men Shalqar aralyǵynda avtokólikterge jolǵa shyǵýǵa tyıym salyndy.
Esterińizge sala keteıik, júrgizýshiler men jolaýshylar respýblıkalyq mańyzdaǵy joldardaǵy jaǵdaı boıynsha «Qazaqavtojol» RMK-nyń +7 7172 444 777; +7 771 7444 777 telefon nómirleri arqyly bile alady.
Munymen qosa, joldardaǵy kólik qozǵalysyna engizilgen shekteýlerdi myna siltememen qaraý múmkindigi bar.
