Respýblıkalyq konkýrstyq komıssııa iriktegen 10 magıstrantqa Nazarbaev stıpendııasy tapsyryldy
ASTANA. 21 qyrkúıek. QazAqparat - Búgin Astanada Qazaqstan Respýblıkasynyń Prezıdenti N.Á. Nazarbaev stıpendııasy ıegerleri - magıstranttaryn saltanatty túrde quttyqtaý rásimi ótti.
Respýblıkalyq komıssııa Elbasy tańdaýyna laıyqty 10 úzdik magıstranttardyń esimderin atady.
«Qazaqstan Respýblıkasy Prezıdenti Nursultan Ábishuly Nazarbaevtyń talantty magıstranttarǵa taǵaıyndaǵan stıpendııasy Qazaqstan bilimi men ǵylymyn damytý, zııatkerlik ult qalyptastyrýda Elbasynyń qosqan edáýir úlesi bolyp tabylady. QR ulttyq ǵylym akademııasynyń múshesi, akademık stıpendııasyn Elbasy jastardy ǵylymı qyzmetke tartý, ǵalymdar men pedagogtardy daıyndaý úshin taǵy bir serpin berý úshin taǵaıyndaıdy. QR BǴM respýblıkalyq konkýrstyq komıssııasy ǵylymı zertteýlerdegi joǵary jetistikteri, jetekshi jýrnaldardaǵy ǵylymı jarııalanymdary, úzdik úlgerimi men belsendi qoǵamdyq qyzmeti úshin ulttyq oqý mekemeleriniń 10 000 úmitkeriniń ishinen 10 úzdik magıstrantty iriktep aldy»,-delingen Bilim jáne ǵylym mınıstrliginiń málimetterinde.
Eýrazııa ulttyq ýnıversıtetinde Qazaqstan Respýblıkasynyń Bilim jáne ǵylym mınıstri Baqytjan Jumaǵulov Nazarbaev stıpendııasynyń 10 úmitkerine sertıfıkattar men tósbelgilerin saltanatty túrde tapsyrdy.
«Elbasynyń Qazaqstandy myqty, gúldengen jáne jan-jaqty damyǵan elge aınaldyrsam degen asyl armanyn iske asyratyn jastar - sizder sııaqty bolýy tıis. Prezıdent osy mıssııany keler urpaqtyń aldyndaǵy zor jaýapkershilik dep biledi. Prezıdent stıpendııasynyń ıegerleri Elbasynyń senimin aqtaıdy dep senemin» - dep atap ótti mınıstr.
