Respýblıkalyq kommýnıkatsııalar ortalyǵy jáne coronavirus2020.kz saıty – jumys qalaı uıymdastyrylǵan
Koronavırýs ınfektsııasymen kúres kezinde memlekettik organdar arasyndaǵy úılestirýdi qamtamasyz etýge arnalǵan respýblıkalyq kommýnıkatsııalar ortalyǵynyń jumysy Prezıdent Qasym-Jomart Toqaevtyń tapsyrmasymen qaıta jańǵyrdy. Kún saıyn qazirgi ýaqytta ári qolsha aqparattardy saraptap, málimetterdi jınap, shynaıy jáne senimdi keńes daıyndalady. Telegram messendjerinde memlekettik organ qyzmetkerleri qosylǵan jedel baqylaý toby quryldy. Telegram-chat rezonansty taqyryptardy anyqtap, olarǵa ýaqytyly jaýap berýge múmkindik beredi.
TJ rejımi jarııalanǵan sátten bastap qazaqstandyqtar úshin tańerteń coronavirus2020.kz saıtynan málimetterdi qaraý ádetke aınaldy. Bul portaldy halyqty Qazaqstandaǵy koronavırýs ınfektsııasynyń taralý jaǵdaıy týraly senimdi aqparatpen qamtamasyz etý úshin Aqparat jáne qoǵamdyq damý mınıstrligi qurdy. Saıtty óte qysqa merzimde 20 naýryz kúni «QazAqparat» HAA» AQ jasady.
Resýrsta koronavırýs ınfektsııasy týraly sońǵy derekter, karantın kezindegi erejeler, koronavırýspen kúreste memleket qabyldaǵan sharalar men onyń saldary jarııalanady. Osy jerde jelide tarap jatqan jalǵan aqparat ta teriske shyǵarylady. Kún saıyn saıtqa 100 myń qoldanýshy kiredi.
Portal azamattardyń úndeýine jaýap berýimen erekshelenedi. Qarapaıym qazaqstandyqtardyń suraǵyna memlekettik organdar jaýap beredi. Sońǵy kúnderi saıt arqyly túsip jatqan úndeýlermen jumys kúsheıtildi. Ótken eki aptanyń ózinde 8 myń oqyrmannyń suraǵyna jaýap berildi. Jalpy servıs jumysyn bastaǵaly 40 myńǵa jýyq suraq kelip túsken.
Soronavirus2020.kz portalynyń Telegram-arnasy jazylýshylar sany boıynsha qazaqstandyq arnalar ishinde birinshi orynda tur. Arnanyń 440 myńǵa jýyq jazylýshysy bar. Bir jarııalymdy ortasha eseppen 220 myńǵa jýyq jeli qoldanýshysy kóredi. Arnada táýligine 40-qa jýyq habarlama jarııalanady.
Aıta ketken jón, arnanyń Telegram messendjeri ákimshiliginen alǵan resmı verıfıkatsııasy (arna ataýynyń janyndaǵy arnaıy belgi) bar. Jazylýshylar osy arqyly aqparattyń senimdi ekenine kóz jetkizedi.
Respýblıkalyq kommýnıkatsııa ortalyǵy táýlik boıy jumys isteıdi.
Medıtsına salasyndaǵy sarapshylarmen suhbat uıymdastyrylyp, olar koronavırýs ınfektsııasynyń aldyn alý, bekitilgen emdeý hattamalary, KVI anyqtalǵan jaǵdaıda ne isteý kerektigi jóninde málimet beredi. Munda aıtylǵan aqparattyń bári coronavirus2020.kz resmı saıtynda jáne Coronavirus2020.kz Telegram-arnasynda jańalyq, ınfografıka jáne vıdeografıka túrinde jarııalanady.
Taǵy bir mańyzdy jumystyń biri – QR PÁ janyndaǵy Ortalyq kommýnıkatsııalar qyzmetiniń kún saıynǵy brıfıngi. TJ engizilgen ýaqyttan bastap (16 naýryzdan) OKQ alańynda onlaın rejımde 143 baspasóz sharasy uıymdastyrylyp, koronavırýs jaǵdaıy men engizilgen karantındik sharalar týraly aıtyldy. Shilde bastalǵaly OKQ alańynda medıtsına sarapshylary, ortalyq memlekettik organdardyń basshylary, Almaty jáne Nur-Sultan qalasy ákimderiniń qatysýymen 15 brıfıng ótkizildi.
Oǵan qosa oblys ákimderi men densaýlyq saqtaý basqarmasy ókilderi qatysatyn brıfıngter Ortalyq kommýnıkatsııalar qyzmetiniń óńirlik alańdarynda da ótkiziledi. Spıkerler KV juqtyrǵan naýqastarǵa emhana jaǵdaıynda medıtsınalyq kómek kórsetý, bekitilgen emdeý hattamalary men koronavırýsty dıagnostıkalaý týraly aıtyp, túsindirý jumystaryn júrgizedi. Sońǵy ýaqytta brıfıngilerge BAQ ókilderi «ZOOM» beınekonferents-baılanysy arqyly qosylyp, spıkerlerge suraq qoıa alatyndaı múmkindik jasaldy. Jalpy, bir brıfıngtiń ózinde spıkerlerge BAQ pen turǵyndardan shamamen 20-50 suraq qoıylady.
OKQ-niń ortcom.kz saıty jýrnalıster ǵana emes, turǵyndar da KVI týraly senimdi aqparat alatyn negizgi derekkózderdiń birine aınaldy. Oǵan saıt qoldanýshylary sanynyń artqany dálel.