Respýblıkalyq qoǵamdyq shtabtyń músheleri saılaýshylarmen kezdesti

ASTANA. QazAqparat – Búgin QR prezıdenttigine kandıdat Qasym-Jomart Toqaevty qoldaý jónindegi Respýblıkalyq qoǵamdyq shtab músheleri, Halyqtyq koalıtsııanyń belsendileri elimizdiń barlyq óńirinde saılaýshylarmen ekspromt-kezdesýler ótkizdi. Bul týraly QazAqparat Halyqtyq koalıtsııanyń baspasóz qyzmetine silteme jasap habarlaıdy.

Elordadaǵy «Kerýen» saýda oıyn-saýyq ortalyǵynda saılaýshylarmen ekspromt-kezdesý ótti.

«Úgit-nasıhat jumysyna búkil el boıynsha 7,5 myńnan astam belsendi qatysyp jatyr. Paraqshalardy taratý, plakattardy japsyrý syndy túrli formattaǵy jumysty jalǵastyramyz. Sonyń ishinde osyndaı ekspromt-kezdesýler de bar», - dedi Respýblıkalyq qoǵamdyq shtab múshesi Nurjan Jetpisbaev.

Almatyda saılaýshylarmen ekspromt-kezdesý «MEGA Park» saýda oıyn-saýyq ortalyǵynda ótti. Halyqtyq koalıtsııanyń belsendileri paraqshalar taratyp qana qoımaı, qala turǵyndarynyń suraqtaryna jaýap berdi.

Jaqyn arada «Esikten esikke» aktsııasyn ótkizý josparlanyp otyr. Onyń aıasynda Respýblıkalyq qoǵamdyq shtab músheleri úı-úıdi aralaıdy.