Respýblıkalyq ǵylymı jobalar konkýrsynda elordalyq oqýshylar úzdik komanda atandy
ASTANA. QazAqparat - 2014 jylǵy 17-20 aqpanda Almaty qalasynyń «Alataý» shıpajaıy bazasynda jalpy bilim beretin pánder boıynsha Respýblıkalyq ǵylymı jobalar konkýrsy ótti.
Bıylǵy Respýblıkalyq ǵylymı jobalar konkýrsynyń nátıjesi boıynsha Astana qalasy oqýshylarynyń komandasy І oryn alyp, «Eń úzdik komanda» atandy, dep habarlady Astana qalasynyń resmı saıty.
Elordalyqtar 41 júldege qol jetkizdi, sonyń ishinde І oryn - 6, ІІ oryn - 9, ІІІ oryn - 15, sondaı-aq, 11 gramota bar.
Respýblıkalyq ǵylymı jobalar konkýrsy 4 baǵytta 18 sektsııa boıynsha ótkizildi.
Astana qalasynyń oqýshylary Respýblıkalyq ǵylymı jobalar konkýrsynda 2005 jyldan beri І júldeli oryndy ıelenip, «Eń úzdik komanda» atanyp keledi.
Bilim berý salasyndaǵy ınnovatsııa bolyp sanalatyn jalpy bilim beretin pánder boıynsha Respýblıkalyq ǵylymı jobalar konkýrsynyń maqsaty - oqýshylardy ǵylymı-zertteý, oqý-tanymdyq turǵydan yntalandyra otyryp, ǵylym men tehnıkaǵa degen qyzyǵýshylyqtaryn arttyrý, daryndy jastardy qoldaý jáne damytý bolyp tabylady.
2000 jyldan beri baıqaý Intel ISEF (International Science and Engineering Fair) Halyqaralyq ǵylymı kórme jáne mektep oqýshylarynyń ınjenerlik shyǵarmashylyǵy kórmesiniń fılıaly bolyp tabylady.
