Respýblıkalyq gvardııanyń jeke quramy Elbasyn ulyqtaý rásimine qyzý daıyndalýda
ASTANA. 5 sáýir. QazAqparat - Respýblıkalyq ulannyń Astana qalasynda ornalasqan 0112 áskerı bóliminiń jeke quramy 8 sáýirde bolatyn Elbasyn ulyqtaý rásimine qyzý ázirlik ústinde, dep habarlady Respýblıkalyq ulannyń Tárbıe jáne áleýmettik-quqyqtyq bólimniń (TÁQJ) baspasóz qyzmeti.
Elbasyn ulyqtaý kezinde rásimdik batalon jaýyngerleri hattamalyq sharalardy atqarady, ıaǵnı, memlekettik rámizderdi jáne Qazaqstan Konstıtýtsııasyn Aqordanyń saltanat ótetin zalyna engizedi, Memlekettik týdy Prezıdentke usynady.
Shuǵyl maqsattaǵy batalonnyń jaýyngerleri de Elbasyn ulyqtaý rásimine jumyldyrylǵan, olar Prezıdent aldynda bolatyn saltanatty shep túzeýge qatysady.
Respýblıkalyq ulan jaýyngerleri ózderine júktelgen osyndaı mindetterdiń aıryqsha mańyzdy ekenin tereń túsinedi. Sondyqtan árbir ofıtser men sarbaz Elbasyn ulyqtaý rásimine tyńǵylyqty daıyndalyp jatyr.
Elıtarlyq áskerı qurylymnyń barlyq jaýyngeri 3 sáýirde ótken saılaýda Nursultan Ábishuly Nazarbaevtyń kandıdatýrasyna daýys bergen edi. Olar el bastaýǵa tek qana Elbasy N.Nazarbaev laıyqty dep sanaıdy.
