Respýblıkalyq gıdrotehnıkalyq nysandarda sý basý qaýpi bolǵan emes - Islam Ábishev

 ASTANA. QazAqparat - Respýblıkalyq menshiktegi gıdrotehnıkalyq nysandar sý basý qaýpin týdyrǵan emes. Búgin Májilistegi «Halyq kommýnısteri» depýtattyq fraktsııanyń «Qazaqstannyń sý qorlaryn turaqty basqarýdyń sharalary» taqyrybyndaǵy ashyq otyrysynda QR AShM Sý resýrstary komıtetiniń tóraǵasy Islam Ábishev osylaı málim etti, dep habarlaıdy QazAqparat. 

«Respýblıkalyq menshiktegi barlyq 1 900-den astam nysan boıynsha sý tasqynyna qarsy sharalarǵa 273 mln. teńge jumsaımyz. Al jergilikti atqarýshy organdardyń tarapynan qarastyrylǵan qarjy týraly málimetter mende joq. Atap aıtqanda, respýblıkalyq menshiktegi gıdrotehnıkalyq nysandardyń kesirinen eshbir sý basý nemese basqa da qater bolǵan emes. Aldaǵy ýaqytta da solaı bolsyn dep tileımiz, sebebi sý salasyndaǵy mamandar burynnan qyzmet etip kele jatqan tájirıbeli adamdar. Olar óz jumysyna jaýapkershilikpen qaraıdy»,-dep toqtaldy Ábishev.

Osy oraıda ol saladaǵy mamandardyń eńbekaqysy tómen bolǵanymen, olar qyzmetterin ary qaraı jalǵastyrap jatqanyn atap ótti. Sý jolyn baqylaýshy mamannyń eńbekaqasy shamamen 35-40 myń teńge kóleminde.

Budan bólek I. Ábishev halyqtyń ómirine jáne ekonomıkaǵa qaýip tóndiretin ıesiz sý qoımalary joq ekenin jetkizdi.

«Iesiz nemese qaraýsyz turǵan qandaı da bir shaǵyn toǵandar bar, alaıda olar da qaterli emes»,-dep naqtylady komıtet basshysy.