Respýblıkalyq dıagnostıkalyq ortalyq daýysyn joǵaltqan adamdardy izdestirýde
ASTANA. 5 qyrkúıek. QazAqparat - «Respýblıkalyq dıagnostıkalyq ortalyq» AQ jutqynshaqtyń jaraqaty, qalqansha bezge operatsııa, sonymen qatar onkologııalyq aýrýlar saldarynan daýysyn joǵaltqan adamdardy daýysty qalpyna keltirý úshin operatsııa jasaý maqsatynda izdestirýde.
Bul týraly «Ulttyq medıtsınalyq holdıng» AQ baspasóz qyzmeti habarlady.
Otorınolarıngolog dárigerler úshin «Daýys hırýrgııasyndaǵy jańa tehnologııalar» sheberlik synyptaryn ótkizý aıasynda kómek surap kelgen aýrýlarǵa daýysyn qalpyna keltirý úshin operatsııa jasalady.
Sheberlik synyby Astana qalasynda 1-5 qazanda Respýblıkalyq dıagnostıkalyq ortalyq bazasynda ótedi. Operatsııalardy Ońtústik Koreıadan kelgen lor-hırýrg Kım Hıan Te júrgizedi.
Aıta keter jáıt, barlyq operatsııalar tegin jasalady. Sheberlik synybyn uıymdastyrýshylardyń pikirinshe, mundaı bir operatsııany jasaý shamamen 3500 dollarǵa túsedi.
Qosymsha aqparatty +7 (7172) 701550, 701570, ishki 2136, +7701-757-54-55, +7702-217-45-07uıaly telefondary arqyly alýǵa bolady.
