Respýblıkalyq dıagnostıkalyq ortalyǵy brahıterapııanyń jańa ádisine kóshti

Qýyq asty beziniń obyry (prostata obyry) - búgingi kúni er adamdarda kóp taraǵan isik aýrýlardyń biri. Bul aýrý onkologııalyq aýrýlardan bolǵan ólimderdiń tiziminde ekinshi oryn alady jáne barlyq dıagnostıkalanǵan jańa qurylymdardyń arasynda shamamen úshten birin quraıdy. Jas kele er adamdarda prostota obyrynyń damýy jıileıdi - eger jas adamdarda ol sırek kezdesse, 45 jastan bastap aýrý órshı túsip, 70 jasqa kelgende 30 - 40 paıyzǵa jetedi.

Taıaý ýaqytqa deıin qýyq asty beziniń obyryn dástúrli emdeý ádisi radıkaldy prostatektomııa bolyp tabylatyn. Bul rette, osy ota túri jasalǵan er adamdardyń 40 paıyzy, sońynda bir qatar aýrýlardan zardap shegetin. Búginde otandyq dárigerlerge jańa balamaly ádis - brahıterapııany paıdalaný múmkindigi týdy. Brahıterapııa radıoızotopty dıagnostıkaǵa jáne onkologııalyq aýrýlardy radıkaldy aralastyrmaı, ızotoptardyń kómegimen zertteýge jáne emdeýge múmkindik beretin, búkil álemde qarqyndy damyp kele jatqan medıtsınalyq baǵyttan turatyn terapııaǵa jatady.

Brahıterapııa - qýyq asty beziniń obyryn radıkaldy emdeýdiń ınnovatsııalyq, asa qymbat jáne tótenshe tıimdi ádisi, bul rette radıoaktıvti sáýlelený kózi radıoaktıvti tuqym túrinde tikeleı zaqymdanǵan organǵa áser etedi. Bul rette tuqym taraǵan orynǵa, jalpy barlyq aǵzaǵa teris radıatsııalyq áser etkizbeı, úlken radıoaktıvti júkke qol jetkizledi.

Brahıterapııa radıkaldy prostatektomııa jáne qashyqtyqtan emdeıtin sáýlelik terapııa sııaqty dástúrli emdeý ádisine shynaıy balama bolady dep sanalady. Syrqattar durys anyqtalsa, operatsııa kásibı jasalsa qýyq beziniń obyryn tolyq emdep jazýǵa bolady.

Búgin Respýblıkalyq dıagnostıkalyq ortalyqtyń bazasynda «qýyq bezi obyryn brahıterapııa ádisimen emdeý» sheberlik sabaǵy ótti. Onyń barysynda Ýrologııa ǴZI men Reseı Federatsııasynyń «Bebıg» JShQ mamandarynyń qatysýymen qýyq beziniń obyryn radıkaldy emdeýdiń onlaın-translıatsııasy ótti.