Respýblıkalyq debat týrnırinde kókshetaýlyqtar top jardy
Vedomstvonyń málimetinshe, respýblıkalyq 6-shy týrnırdi «Jastar jyly» sheńberinde Batys Qazaqstan oblysynyń jastar isteri jónindegi basqarmanyń qoldaýymen «Jas ekonomıst» jastardyń qoǵamdyq birlestigi uıymdastyrǵan.
Sharanyń maqsaty – stýdent jastardyń boıynsha otansúıgishtik pen patrıottyq sezimdi qalyptastyrý, Otanǵa degen súıispenshiligi men Memlekettik rámizderge qurmetin qalyptasyrý.
Jarysqa elimizdiń ár óńirinen jınalǵan pikirsaıysshylar qatysty. Onyń ishinde orys lıgasynda Aktóbe, Qostanaı, Nur-Sultan, Kókshetaý, Qyzylorda, Atyraý qalalarynan jınalǵan 16 komanda ózara saıysty. Qatysýshylar amerıkandyq parlament, brıtandyq parlament jáne lınkoln-dýglas sııaqty ár túrli formatta óner kórsetti. Pikirsaıysshylar jemqorlyqty joıý, týrızmdi damytý, kıbersporttyq bilim berý, Eriktiler jyly uıymdastyrý mehanızmi sııaqty taqyryptardy qaýzady.
«Týrnırge Aqmola oblysy atynan Abaı Myrzahmetov atyndaǵy Kókshetaý ýnıversıtetiniń stýdentteri Saıa Seıpilova, Samalgúl Baımuhametova jáne Mádına Aıtenova qatysyp, baq synady. Kókshetaýlyq pikirsaıysshylar joǵary deńgeı kórsetip, týrnır qorytyndysy boıynsha orys lıgasynda 1-shi oryn aldy. Onyń ishinde Saıa Seıpilova «Úzdik spıker» atalymy boıynsha marapataldy», -deıdi vedomstvodan.
