Respýblıkalyq bıýdjetke túsken salyq mólsheri 1,5 esege ósti
Memlekettik kirister komıtetiniń málimetinshe, jospar 11 316,8 mlrd teńgege belgilenip, 382 mlrd teńgege asyra oryndaýmen 11 698,8 mlrd teńge túsken. Bul ótken jylǵy uqsas kezeńmen salystyrǵanda 1,4 ese nemese 3 400,2 mlrd teńgege óskenin kórsetedi.
«Munyń ishinde respýblıkalyq bıýdjet 101,1% oryndaldy, ótken jylǵy uqsas kezeńimen salystyrǵanda 1,5 ese nemese 2 518,5 mlrd teńgege ósti. Jergilikti bıýdjet 108,5% oryndaldy byltyrǵy uqsas kezeńmen salystyrǵanda 30,8% nemese 881,7 mlrd teńgege ósti», - dep jazdy vedomtvodan.
Túsimderdiń ósýine mynadaı faktorlar áser etti: 2022 jyly 10 aıda ótken jylǵy uqsas kezeńmen salystyrǵanda negizgi eksporttyq pozıtsııalarǵa, onyń ishinde munaıǵa 46,9%, myryshqa 21,9%, alıýmınııge 13,9% jáne altynǵa 0,6% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 43,1%-ǵa ósti.
«Aǵymdaǵy jylǵy 10 aıda úshinshi eldermen taýar aınalymy 43,6%-ǵa ósti (eksport 48,3%-ǵa, ımport 32,5%-ǵa ósti). Ótken jylǵy uqsas kezeńmen salystyrǵanda jyl basynan bergi ótkizý boıynsha aınalym 22 %-ǵa ulǵaıdy», - delingen habarlamada.
