Respýblıkalyq bıýdjetke túsetin salyqtyń 29,2 paıyzy Almatynyń úlesinde - qala ákimi
ALMATY. 25 maýsym. QazAqparat - Sońǵy 2 jylda Almatyda salyqtyq túsimder 60 paıyzǵa ósti. Ony qala ákimi Ahmetjan Esimov búgin buqaralyq aqparat quraldary ókilderin quttyqtaǵan kezde aıtty.
«Respýblıkalyq bıýdjetke túsetin salyqtyq túsimderdiń 29,2 paıyzy Almatynyń úlesinde. Bizden keıin 12 paıyzben Atyraý oblysy jáne 10 paıyzben Astana qalasy kele jatyr. Aǵymdaǵy jyl 5 aıda ınvestıtsııa 109 paıyz, ónerkásip 114 paıyzǵa ósti», - dedi A.Esimov. Onyń aıtýynsha, aǵymdaǵy jyly qala ekonomıkasy qalypty jaǵdaıda damýda. Daǵdarystan keıin tek qurylys salasynda ǵana ósim tómendedi. Qurylys jumystary men paıdalanýǵa berilgen úı kólemi jyl saıyn azaıyp otyrdy. Bıyl 5 aıda 14,2 myń sharshy metr turǵyn úı paıdalanýǵa berildi. Bul ótken jyldan 49 paıyzǵa joǵary. Qurylys jumystarynyń kólemi 9 paıyzǵa ósip otyr.
«Qala basshysy retinde meni bul kórsetkish qýantady. Óıtkeni qurylys sektory qala ekonomıkasynyń qozǵaýshy kúshteriniń biri. Saýda, kólik, júk pen jolaýshylar tasymaly jáne baılanys kirisi turaqty», - deıdi A. Smaǵululy.
