Respýblıkalyq bıýdjet jobasyna engiziletin túzetýler Májilistiń jalpy otyrysynyń talqysyna shyǵarylmaq

ASTANA. 24 aqpan. QazAqparat - Búgin QR Parlamenti Májilisiniń tóraǵasy Nurlan Nyǵmatýlınniń jetekshiligimen palata Bıýrosynyń otyrysy ótti.

Onda aldaǵy aptada Májilistiń jalpy otyrysyna shyǵarylatyn máseleler talqylandy.

Qarjy jáne bıýdjet komıtetiniń usynýymen «2012-2014 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» jáne«Qazaqstan Respýblıkasynyń Ulttyq qorynan 2012-2014 jyldarǵa arnalǵan kepildendirilgen transfert týraly» Qazaqstan Respýblıkasynyń Zańyna ózgeris engizý týraly» zań jobalary depýtattardyń talqysyna shyǵarylatyn boldy.

Sonymen qatar búgin Májilis Bıýrosy Qazaqstan halqy Assambleıasynyń depýtattyq tobyn tirkeýden ótkizdi. Atalǵan topqa Májilis depýtaty J.Álıev jetekshilik etedi.

Bıýro otyrysynda Májilistiń zań shyǵarmashylyq isine qatysty basqa da máseleler qaraldy.