Respýblıkalyq birqatar sport nysanynyń tozyǵy jetken - Abaev
«Ózderińiz de biletindeı, qazirgi ýaqytta vedomstvoǵa qarasty barlyq uıymdy aralap jatyrmyz. Basty mindet – barlyq problemalarǵa qatysty mán-jaıdy tolyq qalyptastyrý. Sodan keıin olardy kezeń-kezeńmen sheshý josparyn ázirleımiz.Bul máseleni jaýapty vıtse-mınıstr tikeleı baqylaýynda ustaýy tıis», - dedi Dáýren Abaev mınıstrliktiń keńeıtilgen alqa otyrysynda.
Onyń dereginshe, elordada ornalasqan «Saryarqa» respýblıkalyq velotregi men «Alataý» sport keshenine jóndeý jumystaryn júrgizý qajet.
«Velotrek saldyq, tamasha ǵımarat. Qazirdiń ózinde aıtardyqtaı kúrdeli jóndeýdi qajet etedi. Ol jerde birde-bir iri deńgeıdegi is-sharany ótkize almaımyz. Velotrek barlyq álemdik standartqa saı keledi. Biraq, shatyrynan sý aǵyp tur. Biz ol jerde is-shara ótkize almaımyz. Nemese Azıadaǵa salǵan «Alataý» kesheni búginde jartylaı apattyq jaǵdaıda tur. Qabyrǵalary jarylǵan. Barlyq mán-jaıyn anyqtaý qajet. Árıne, qandaı da bir qarjy qarajatyn soǵan jiberetin bolamyz. Ǵımaratymyz bar, endi olardy retke keltirý kerek», - dedi mınıstr.
