Respýblıkalyq balalardy ońaltý ortalyǵynda robottandyrylǵan tehnologııalar paıdalanylady
ASTANA. 15 aqpan. QazAqparat - 2011 jyly Respýblıkalyq balalardy ońaltý ortalyǵynda 4,2 myńnan astam bala em qabyldady, dep habarlady Pm.kz saıtyna bergen arnaıy suhbatynda ortalyq jetekshisi Sholpan Bólekbaeva.
«Respýblıkalyq ortalyqqa naýqastar ár óńirlerden keledi. Em izdegen balalardyń 85 paıyzy aımaqtardan keletin bolsa, 15 paıyzy - Astana qalasynyń kishkentaı turǵyndary. Ortalyqta balalar 25 kún ishinde saýyqtyrý kýrstarynan ótedi. Kórsetilgen qyzmetter óz nátıjesin berip, balalar úılerine qaıtarda aıaqtaryn basa bastaıdy. 5 jyl ishinde jazylǵan balalar sany 300-ge jýyqtady», - dedi ortalyq basshysy.
Qazirgi tańda ortalyqta neıroendokrınologııalyq bólim men 5 nevrologııalyq bólim jumys isteıdi.
Ortalyqta balalarǵa medıtsınalyq kómekpen qatar, emdeý úshin robottandyrylǵan tehnologııalar jáne kompıýterlik tehnologııalar paıdalanylady.
