Respýblıkalyq avtojoldardyń eki ýchaskesinde kólik qozǵalysyna qoıylǵan shekteý alyndy
ASTANA. QazAqparat – Búgin tańǵy saǵat 08.00-den bastap eki ýchaskede kólik qozǵalysyna qoıylǵan shekteý alyndy, dep habarlaıdy QazAqparat Respýblıkalyq mańyzy bar avtomobıl joldarynyń ulttyq operatoryna silteme jasap.
Abaı óńirinde «Almaty-Óskemen» tasjolynyń 615-967 shaqyrymdary aralyǵynda ornalasqan Jetisý oblysy shekarasynan Qalbataý aýylyna deıingi ýchaske ashyq.
Jetisý óńirinde «Almaty-Óskemen» tasjolynyń 558-615 shaqyrymdary aralyǵynda ornalasqan Úsharal qalasynan Abaı óńirine deıingi ýchaske ashyq.
Al R-20 «Saryózek-Kóktal» kúre jolynyń 45-68 shaqyrymdary aralyǵynda (Altyn Emel asýy) kólik qozǵalysyna áli de shekteý qoıylyp otyr.
Esterińizge sala keteıik, keshe keshte aýa-raıynyń qolaısyzdyǵyna baılanysty jolshylar kúsheıtilgen jumys rejımine kóshti. Máselen, ótken túnde Abaı oblysynyń respýblıkalyq mańyzdaǵy kúre joldaryna 140 tonna qum-tuz qospasy sebildi.
