15:51, 16 Aqpan 2022 | GMT +6
Respýblıkalyq avtojoldarda sý tasqynyna daıyndyq sharalary bastaldy
NUR-SULTAN. QazAqparat - Respýblıkalyq avtojoldardy sý basyp, shaıyp ketýin boldyrmaý úshin sý tasqynyna qarsy is-sharalar jospary bekitildi. Budan basqa, jol qyzmetteri ókilderinen ortalyqta jáne óńirlerde komıssııalar quryldy, dep habarlaıdy QR IIDM baspasóz qyzmeti.
Jospar aıasynda 482 qaýipti jol ýchaskesi, 59 kópir jáne 739 sý ótkizý qubyry baqylaýǵa alyndy.
Obektilerge 883 jol-paıdalaný tehnıkasy bekitildi. Táýlik boıy kezekshilik uıymdastyrylyp, joldar men jol qurylystaryna kúndelikti patrýldeý júrgiziledi.
Sonymen qatar sý ótkizý qubyrlary men kópirasty aımaqtardyń arnalaryn qardan tazartý jumystary bastaldy.