Respýblıkalyq avtojoldarda eki aı boıy kólik qozǵalysynyń qaýipsizdigin qamtamasyz etýge arnalǵan sharalar júzege asyrylady
ASTANA. 22 mamyr. QazAqparat - 2013 jylǵy 15 sáýirden bastap 15 maýsymǵa deıin avtomobıl joldary men jol qurylystaryn saqtaý maqsatynda, sondaı-aq respýblıkalyq mańyzy bar avtojoldardyń barlyq júıelerinde qaýipsiz jáne úzdiksiz jol qozǵalysyn qamtamasyz etý úshin eki aılyq is-sharalar júzege asyrylady.
«Osy oraıda «2013 jylǵa arnalǵan keshendi maqsatty baǵdarlama» aıasynda jyldyq jospardan 50 paıyzdan kem emes kólemde shuńqyrlardy jabý, 75 paıyzdan kem emes deńgeıde jol jabyny ústindegi boıaýly belgilerdi retke keltirý jáne 100 paıyz kólemde jol belgileriniń, qorshaýlar men basqa jol elementterin tıisti kúıge keltirý kózdelgen»,-delingen «Qazaqavtojol» RMK-nyń baspasóz qyzmeti taratqan málimette.
Eki aılyq júrgizý kezinde joldardaǵy 270 myń sharshy metr aýmaqta shuńqyrlyqty joıý, 6 myń jol belgilerin qondyrý jáne aýystyrý, buǵan qosa 10 myń shaqyrym jolǵa boıaýly belgilerdi jaǵý boıynsha jumystar oryndalady.
Atalǵan sharalar respýblıkalyq mańyzy bar avtojoldardyń tehnıkalyq jaǵdaıyn jaqsartýǵa jáne jol qozǵalysynyń qaýipsizdigin arttyrýǵa múmkindik beredi.
