Respýblıkalyq avtokólik joldarynda qozǵalysqa shekteý alyndy
ASTANA. 15 sáýir. QazAqparat - Aqmola jáne Qostanaı oblystarynda avtokóliktiń barlyq túrleri úshin jol qozǵalysyna shekteý alyndy, dep habarlady «Qazaqavtojol» RMK baspasóz qyzmetinen.
Aqmola oblysynda búgin saǵat 19.00-den bastap «Ekaterınbor-Almaty» a/j 913-963 shaqyrymy, Atbasar-Jaqsy aralyǵynda; «Jaqsy-Esil-Buzluq» 0-82 shaqyrymy; «Qostanaı-Áýlıekól-Surǵan» 232-260 shaqyrymy., Qostanaı obl.shekara-Surǵan aralyǵynda; «Jezqazǵan-Petropavlovsk» 552-536 shaqyrymy aralyǵynda avtokóliktiń barlyq túrleri úshin jol qozǵalysyna shekteý alyndy.
Qostanaı oblysynda búgin saǵat 19.30-dan bastap «Qostanaı-Áýlıekól-Surǵan» a/j 217-232 shaqyrymy, Oktıabrskıı aýyly-Aqmola obl. shekarasy aralyǵynda qoǵamdyq jáne júk avtokólik túrleri úshin jol qozǵalysyna shekteý alyndy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
