Respýblıkalyq arnaıy monıtorıngtik top músheleri OQO-da birqatar kezdesýler ótkizdi
Qoǵamdy sybaılas jemqorlyqqa qarsy is-qımylǵa keńinen tartý, qoǵamdyq baqylaý salasyndaǵy ózekti máselelerdi talqylaý maqsatynda kelgen top músheleri ońtústikte birqatar memlekettik qyzmet kórsetetin mekemelerdiń jumysymen tanysyp, memlekettik qyzmetshilermen, etnomádenı ortalyqtardyń ókilderimen kezdesti. Eń aldymen oblystyq aýrýhanada bolyp, kórsetiletin qyzmetterdiń sapasyna qatysty halyqtyń pikirin tyńdady.
Sondaı-aq, kópshiliktiń suranysy boıynsha «QazTransGazAımaq» AQ OQO óndiristik fılıalynyń basshylyǵymen kezdesti. Ári qaraı, jumysshy top Qazaqstan halqy Assambleıasynda oblystyq arnaıy monıtorıngtik toptyń múshelerimen, etnomádenı ortalyqtardyń tóraǵalarymen kezdesý ótkizdi. Kezdesý barysynda Ǵalym Sımbekuly, Yrza Tursynzada Arnaıy monıtorıngtik toptyń qyzmetine, atqarylǵan jumystaryna toqtalyp ótse, Agenttiktiń qyzmetkerleri memlekettik qyzmet kórsetý sapasyna, sybaılas jemqorlyqtyń aldyn alý jumystaryna keńinen toqtaldy.
Іssapar barysynda oblys jastary arasynda ótken pikirsaıysqa qatysqan respýblıkalyq arnaıy monıtorıngtik top músheleri búginde qazaqstandyq jastar beıbit ómir ómir súrip jatqanyn atap ótip, Elbasy úmit artqan jastardy barlyq jaǵynan belsendi bolýǵa shaqyrdy. Odan ári, oblystaǵy barlyq memlekettik organdardyń basshylarymen, aýdan, qala ákimderi men Ádep jónindegi ýákilderimen kezdesip, Agenttiktiń negizgi jumysy qyzmetshilerdi jazaǵa tartý emes, kerisinshe zańbuzýshylyqtardyń aldyn-alýǵa baǵyttalǵanyn jetkizdi.
«Sizderdi óz taraptaryńyzdan ózderińiz basqaryp nemese qyzmet atqaryp otyrǵan memlekettik organdaryńyzda ózgerister ıdeıasyn belsendi nasıhattaýǵa, ózderińiz usynǵan Jobalyq menedjerlerge qoldaý kórsetip, oı-óristerińizben bólisip jáne osy «Ózgeristerdi ózińnen basta» kishi baǵdarlamasyn júzege asyrýǵa belsendi qatysýǵa shaqyramyn»,- dedi Departament basshysy Álı Amantaıuly.
