Respýblıkalyq aqyndar baıqaýynyń jeńimpazdary marapattaldy
Bıyl 11-shi márte ótken músháıraǵa elimizdiń barlyq óńirinen júzden astam aqyn qatysty. Úzdikter elordadaǵy «Jastar» teatrynda marapattaldy. Respýblıkalyq baıqaýda barlyǵy 12 qatysýshy júldeger atandy.
«Men baıqaý jeńimpazy — Abaı atyndaǵy memlekettik syılyqtyń laýreaty Ǵalym Jaılybaıdy marapattadym. Onyń «Astananyń aspany» óleńder toptamasyn Qazaqstan Jazýshylar odaǵynyń ókilderi, tanymal ádebıetshiler, synshylar, ǵalymdardan jasaqtalǵan qazylar alqasy óte joǵary baǵalady», – dedi Mádenıet jáne sport mınıstri Ashat Oralov.
Mınıstr ádebı baıqaýǵa kelip túsken barlyq jumysty jınaqtap kitap shyǵarýdy jáne ony elimizdiń kitaphanalaryna taratýdy usyndy.
«Taǵy bir usynys – mundaı is-sharalardy tek Astana men Almatyda ǵana emes, sondaı-aq talantty jastary bar elimizdiń barlyq óńirlerinde ótkizý kerek. Osy arqyly biz olarǵa ózderin tanytýǵa jáne áleýetin kórsetýge múmkindik beremiz. Ol úshin Qazaqstan Jazýshylar odaǵymen tyǵyz strategııalyq áriptestik sheńberinde jumys isteıtin bolamyz, onyń ishinde búkil el boıynsha osyndaı konkýrstardy ótkizýge qarjylyq qoldaý kórsetiletin bolady», – dedi mınıstr.
