Respýblıkalyq aqyndar aıtysynyń bas júldesi -
Búgin, 9 jeltoqsanda Astanada Kongress holl saraıynda ótken jyr alamanynda ol sońǵy aqtyq kezdesýde Balǵynbek Imashevtan mereıi ústem bolǵan Meıirbek Sultanhandy jeńdi. Bas júldemen qatar oǵan 3 mıllıon teńge syılyq tabys etildi.
"Minekeı, altyn dombyra alyp turmyn
Jaqsylyq Jandarbekke juǵysty bolsyn!
Mádenıet mınıstri qoldap tursa,
Jyrymyz qaıdan búgin kúmis bolsyn!?
Qolymdaǵy dombyra altyn bolsa,
Aýzymdaǵy sózim qaıdan kúmis bolsyn!?", - dep aıaqtady aıtysty doda jeńimpazy M.Nııazov.
Birinshi oryn alǵan Meıirbek Sultanhan 1,5 mıllıonǵa ıe boldy. Ekinshi oryn úshin Jandarbek Bulǵaqovqa 1 mıllıon teńge berildi. Al Sara Toqtamysova, Balǵynbek Imashev pen Ásem Erejeqyzy úshinshi oryndardy ıelenip, árqaısysy 750 myń teńgeden aldy.
"Aıtystyń jalpy sıpatyna kelsek, ózimniń kóńilim toldy. Bul aıtys halyq pen bılik arasyndaǵy altyn kópir bolýy tıis. Halyqtyń sózin jetkizýge tıisti. Onyń búkil túpki maqsaty - qazaq degen eldiń rýhyn kóterý, eńsesin bıiktetý, basyn biriktirý, ulttyń uıytqysy bolý. Mine, búgingi aıtys sol deńgeıden tabyldy dep oılaımyn", - dep atap ótti Qazaqstannyń eńbek sińirgen qaıratkeri, aqyn, pýblıtsıst Júrsin Erman jeńimpazdy marapattaý rásiminde.
Jyl saıyn dástúrge aınalǵan respýblıkalyq aqyndar aıtysy memleketimizdiń táýelsizdigine arnaldy. Qazaqta sýyryp salma aqyn kóp emes qazir. J.Ermannyń fıtýynsha, olardyń sany júzdiń ústinde ǵana. Búgingi aıtystyń aldynda 60-qa tarta aqynnyń qatysýymen Óskemen jáne Qyzylorda qalalarynda óńirlik irikteý saıystary ótkizildi. Onda óz ónerlerimen sýyrylyp, júırik atanǵan 6 aqyn búgingi respýblıkalyq dodada baq synasty. Aıta ketý kerek, bir keli taza altynnan quıylǵan dombyra júldegerge máńgige berilmeıdi. Jarys sharty boıynsha bul erekshe dombyrany respýblıkalyq aıtysta úsh ret qatarynan jeńgen aqynǵa ǵana máńgilikke qaldyrylady. Oǵan deıin dombyra ulttyq murajaıda saqtalyp, arnaıy kitapshada jeńimpazdar esimi jazylady.
