Respýblıkalyq aqparattyq - aǵartýshylyq shtabynyń músheleri Shymkentte júr
Kezdesýdiń basty maqsaty – syndarly dıalog qurý jáne keńeıtilgen aqparattyq is-sharalar arqyly parasattylyq qaǵıdattaryn damytý bolyp tabylady.
Sybaılas jemqorlyqtyń aldyn alýdy kózdegen Shtab músheleri alǵashqy kezdesýin qala aktıvimen ótkizdi.
Parasattylyq qaǵıdattaryn qalyptastyrýǵa baǵyttalǵan jıynǵa qala ákimi M.Áıtenov, respýblıkalyq úgit-nasıhat shtabynyń basshysy Y.Tursynzada, QR Sybaılas jemqorlyqqa qarsy is-qımyl agenttiginiń ókili A.Berdalın, Agenttiktiń Shymkent qalasy boıynsha Departamentiniń basshysy A.Jumaǵalı, qalalyq aqparattyq-aǵartýshylyq shtabynyń basshysy S.Májinbekov, «Shymkent-adaldyq alańy» jobalyq keńsesiniń basshysy E.Tólebaev, sondaı-aq jergilikti atqarýshy organdardyń basshylary men Arnaıy monıtorıngtik toptyń músheleri qatysty.
Іs-sharada Shtab qurýdyń qoǵam aldyndaǵy mańyzdylyǵy túsindirilip, sybaılastyqtyń aldyn alý úshin qoǵamdyq sanaǵa serpilis jasaý arqyly joıýǵa bolatyndyǵy aıtyldy.
«Sanany ózgertý kerek, sybaılas jemqorlyqqa qarsy mádenıet, sybaılas jemqorlyqqa degen berik ımmýnıtet, oǵan degen jurtshylyqtyń mineýi bolmaı, qalaǵan nátıjege qol jetkizý múmkin emes» - dedi Agenttiktiń resmı ókili A.Berdalın.
Shtabtyń quramynda birde-bir memlekettik qyzmetshi joq. Barlyǵy qoǵam belsendileri.
«Shtabqa múshe bolamyn, jemqorlyqqa beı-jaı qaramaımyn, adaldyq prıntsıpine úles qossam degen azamattar bolsa, bárine esigimiz ashyq», - dedi Shtab jetekshisi Y.Tursynzada.
Aıta keteıik, Agenttiktiń Shymkent qalasy boıynsha departamenti janynan qurylǵan Aqparattyq-aǵartýshylyq shtab jumysyn ótken jyldyń sońynda bastap, qazirgi tańda birqatar ujymdarmen, jastarmen kezdesip, túsindirý jumystaryn júrgizýde.
